रास्वपा सांसद अन्सारीले जनाए प्रतिक्रिया, भन्छन् - लखेटिएको हैन

काठमाडौँ । प्रतिनिधि सभा सदस्य तथा राष्ट्रिय स्वतन्त्र पार्टी (रास्वपा) का नेता रहबर अन्सारीले बाराको कलैयामा आयोजित पार्टीको बैठकमा सामान्य विवाद मात्र भएको तर आफूहरूलाई ‘लखेटिएको’ भन्ने कुरा पूर्णतः झुटो भएको बताएका छन्। अन्सारीले केही मिडियाले नियोजित रूपमा हिँडिरहेको दृश्यलाई कैद गरेर घटनालाई अतिरञ्जित गरेको बताएका हुन्।

सांसद अन्सारीका अनुसार केन्द्रीय समितिको सर्कुलर बमोजिम जिल्ला अधिवेशनका लागि सुझाव सङ्कलन गर्न रास्वपाको टोली बारा पुगेको थाहा भएको छ। कार्यक्रममा पार्टीबाट निष्कासित (कारबाहीमा परेका) केही पूर्वनेता तथा व्यक्तिहरूले होहल्ला र सामान्य विवाद झिक्ने प्रयास गरेका थिए।