चीनमा बाढीपहिरोपछि उपग्रहमार्फत हिमनदी र जोखिम क्षेत्रको निगरानी

काठमाडौं । भदौ १० (अगस्ट २६)मा चीनको तिब्बत क्षेत्रस्थित केरुङ–रसुवागढी नाकानजिकै गएको लेदोसहितको बाढीपहिरोपछि खोज तथा उद्धार कार्य जारी छ । खोज तथा उद्धार कार्यलाई सघाउन चिनियाँ व्यावसायिक भूउपग्रहहरू परिचालन गरिएको चाइना डेली ले जनाएको छ ।

हुनान प्रान्तको चाङसास्थित व्यावसायिक एरोस्पेस कम्पनी ‘स्पेसटी’ले आफ्ना तीनवटा ‘सिन्थेटिक अपर्चर रेडार’ भूउपग्रहहरूमार्फत जोखिम क्षेत्रको निगरानी गरिरहेको छ । केरुङ काउन्टीको शिगात्सेमा स्थापना गरिएको मुख्य उद्धार कमान्ड सेन्टरलाई निरन्तर अद्यावधिक तस्बिर तथा डेटा उपलब्ध गराइरहेको जनाएको छ ।