फ्रान्स भर्सेस सेनेगल : एमबाप्पेदेखि साडियो मानेमा नजर

२ असार, काठमाडौं । फिफा विश्वकप २०२६ को समूह ‘आई’ अन्तर्गतको सबैभन्दा प्रतीक्षित र ऐतिहासिक महत्त्व बोकेको खेलमा उपाधि दाबेदार फ्रान्स र अफ्रिकी पावरहाउस सेनेगल न्युयोर्क न्युजर्सी स्टेडियममा आमनेसामने हुँदैछन् ।

मुख्य प्रशिक्षक डिडिएर डेसच्याम्पको यो अन्तिम विश्वकप अभियान भएकाले फ्रान्स सुखद सुरुवात गर्न चाहन्छ । अर्कोतर्फ, हालैको मैत्रीपूर्ण खेलमा संयुक्त राज्य अमेरिकासँग ३-२ ले पराजित भए पनि सेनेगल पुनः एकपटक विश्वलाई स्तब्ध पार्ने रणनीतिमा छ ।