कांग्रेस १५औं महाधिवेशन : हल उपलब्ध गराइदिन राष्ट्रिय सभा गृहलाई पठायो पत्र

काठमाडौं : नेपाली कांग्रेसले आगामी असोजमा आयोजना हुने १५औँ महाधिवेशनका लागि राष्ट्रिय सभा गृहको प्रदर्शनी हल,लवी,पार्किङ स्थल तथा बगैचा उपलब्ध गराइदिन आग्रह गरेको छ।

कांग्रेस केन्द्रीय कार्यालयले प्रदर्शनी मार्गस्थित राष्ट्रिय सभा गृहलाई पत्र पठाउँदै महाधिवेशनको तयारी,व्यवस्थापन तथा कार्यक्रम सञ्चालनका लागि असोज १५ गतेदेखि २० गतेसम्म ६ दिन प्रदर्शनी हल,लवी,पार्किङ स्थल तथा बगैचा बुक गरिदिन अनुरोध गरेको हो। कांग्रेसका कार्यवाहक मुख्यसचिव कृष्णप्रसाद दुलालले राष्ट्रिय सभा गृहका प्रमुखलाई पत्र पठाउँदै उक्त स्थान उपलब्ध गराइदिन अनुरोध गरेका हुन्।