शहीदको बलिदान खेर जान दिँदैनौं, भ्रष्टाचार गर्नेको कठालो समात्छौँ: खगेन्द्र सुनार

काठमाडौँ । राष्ट्रिय स्वतन्त्र पार्टी (रास्वपा) का सांसद खगेन्द्र सुनारले जेन–जी आन्दोलनका शहीदहरूको बलिदान कुनै पनि हालतमा खेर जान नदिने बताएका छन्।

जेन–जी शहीद दिवसका अवसरमा जेन–जी शहीद कल्याणकारी समाजले आयोजना गरेको कार्यक्रममा बोल्दै उनले सुशासनको पक्षमा आवाज उठाउँदा ज्यान गुमाएका शहीदहरूको बलिदानबाट देशमा नयाँ सुशासनको आधार बनेको दाबी गरे। शहीदका परिवार, घाइते तथा आन्दोलनका मागहरू पूरा गर्न सरकार पूर्ण रूपमा प्रतिबद्ध रहेको उनले स्पष्ट पारे।