ताप्लेजुङलाई देशकै पहिलो पूर्ण छुवाछूतमुक्त जिल्ला घोषणा गर्ने तयारी

सरोकारवालाले ताप्लेजुङ जिल्लालाई ‘देशकै पहिलो पूर्ण छुवाछूतमुक्त जिल्ला’घोषणा गर्ने सार्वजनिक प्रतिबद्धता व्यक्त गरेका छन्।

मानव अधिकारमञ्च इलामको आयोजना तथा जिल्ला समन्वय समिति ताप्लेजुङको समन्वयमा फुङलिङमा सोमवार र मंगलबार चलेको कार्यशालापछि सरोकारवालाले ११ बुँदे ताप्लेजुङ घोषणापत्र जारी गर्दै देशकै पहिलो पूर्ण छुवाछूतमुक्त जिल्ला घोषणा गर्न स्पष्ट समय सीमा र कार्यतालिकासहितको साझा कार्ययोजना बनाउने प्रतिबद्धता पत्रमा हस्ताक्षर गरेका हुन्।