चलचित्र ‘काला हिरण’ विवाद : अभिनेता गोविन्द नामदेवसँग ५० लाख रुपैयाँ क्षतिपूर्ति माग

मुम्बई । बलिउड अभिनेता सलमान खानको सन् १९९८ को चर्चित कालो हरिण शिकार मामिलामा बनिरहेको फिल्म ‘काला हिरण: द ब्याटल फर लेगेसी’ लाई लिएर विवाद निकै चर्किएको छ।

फिल्मका निर्माता अमित जानीले दिग्गज अभिनेता गोविन्द नामदेवलाई कानुनी नोटिस पठाएपछि यो विवाद थप सतहमा आएको हो। अमित जानीले सामाजिक सञ्जाल एक्समार्फत जानकारी दिँदै नोटिसमा अभिनेता नामदेवसँग सात दिनभित्र सार्वजनिक रूपमा माफी माग्न र प्रोडक्सन हाउसलाई ५० लाख रुपैयाँ क्षतिपूर्ति दिन माग गरिएको बताएका छन्।