एसियन गेम्स छनोटमा धाँधली भएको भन्दै पौडी खेलाडी अदालतमा

काठमाडौँ । नेपाली राष्ट्रिय पौडी खेलाडी इर्भिन श्रेष्ठले २०औँ एसियन गेम्सको लागि नेपाल पौडी सङ्घले धाँधली गरी खेलाडी छनोट गरेको र आफूहरूमाथि मानसिक पीडा दिएको आरोप लगाएका छन् ।

नक्सालमा मंगलबार पत्रकार सम्मेलन गर्दै पौडी खेलाडीहरू इर्भिनसँगै मेधाव केसी र निर्णय थापा, उनीहरूका प्रशिक्षक र खेलाडीका परिवारले राष्ट्रिय खेलकुद परिषद् (राखेप) र नेपाल पौडी सङ्घले छनोट प्रतियोगिताको बिचमा नियम परिवर्तन गर्दै एसियन गेम्स छनोट हुनबाट रोकेको आरोप लगाएका हुन् ।