अवरुद्ध कर्णाली राजमार्ग खुल्यो

कालीकोट । पहिरोले चार दिनदेखि अवरुद्ध कर्णाली राजमार्ग खुलेको छ । अविरल वर्षाका कारण शनिबारदेखि अवरुद्ध कर्णाली राजमार्ग पूर्ण रुपमा सञ्चालनमा आएको सडक डिभिजन कार्यालय जुम्लाले जनाएको छ।

सुर्खेत–जुम्ला सडकअन्तर्गत कालीकोट जिल्लाको गगनेखोलामा आएको पहिरो आज हटाएपछि सडक खुलेको हो। सडक खुलेपछि रोकिएका मालवाहक ट्रक गुड्न थालेका छन् ।