बागमतीको बजेटः नयाँ कार्यक्रममा जोड दिँदा पुराना दर्जनौँ कार्यक्रम गायब

मकवानपुर । बागमती प्रदेश सरकारले आगामी आर्थिक वर्षका लागि ६६ अर्ब ९३ करोड ३३ लाख रुपैयाँको बजेट सार्वजनिक गरेको छ । चालु आर्थिक वर्षको तुलनामा ५४ करोड ४० लाख रुपैयाँ घटाएर सार्वजनिक गरिएको बजेटमा विशेषगरी भौतिक पूर्वाधार तथा सुशासनका विषयलाई प्राथमिकतामा राखिएको छ ।

आर्थिक वर्ष २०८२/०८३ को बजेटमा नीतिगत र प्रक्रियागत सुधारमा जोड दिइएको थियो भने २०८३/०८४ को बजेट सुशासन, प्रविधिको प्रयोग र विपन्न लक्षित कार्यक्रममा बढी केन्द्रित देखिएको छ । चालु आर्थिक वर्षमा ६७ अर्ब ४७ करोड ७३ लाख रुपैयाँको बजेट ल्याएको प्रदेश सरकारले आगामी वर्षको बजेट आकार सामान्य घटाए पनि पुँजीगत (विकास) खर्चको हिस्सा र रणनीतिक कार्यक्रममा केही गुणात्मक परिवर्तन देखिएका छन् ।