अब देशमा कसैले गोली चलाउने हिम्मत गर्दैन : गृहमन्त्री गुरुङ

काठमाडौँ — गृहमन्त्री सुधन गुरुङले अब देशमा कसैले गोली चलाउने हिम्मत गर्न नसक्ने बताएका छन् । नयाँ बानेश्वरस्थित पुरानो संसद भवनमा आयोजित जेन-जी सहिद दिवस कार्यक्रमका अवसरमा सम्बोधन गर्दै उनले अब कसैले जनतामाथि गोली चलाउने आँट नगर्ने दाबी गरे ।

गृहमन्त्री गुरुङले भदौ २३ को आन्दोलन सत्ता र शक्तिको लोभका लागि नभई मुलुकमा सुशासन कायम गर्नका लागि भएको स्पष्ट पारे। पुराना राजनीतिक दलहरूप्रति कडा टिप्पणी गर्दै उनले इतिहासलाई फेर्ने वा जनआन्दोलनको अपमान गर्ने कोसिस नगर्न चेतावनी दिए। तीन करोड नेपाली जनताको जनादेश र बलिदानबाट यो परिवर्तन सम्भव भएको भन्दै उनले पुराना दलहरूलाई आफ्नो सोच र कार्यशैली सुधार्न आग्रह गरे।