रसुवा बाढी प्रभावित क्षेत्रमा निःशुल्क स्याटेलाइट इनटरनेट

काठमाडौं– भोटेकोशी नदीमा आएको भीषण बाढीबाट दूरसञ्चार तथा इन्टरनेट पूर्वाधारमा क्षति पुगेपछि रसुवाका प्रभावित क्षेत्रमा निःशुल्क स्याटेलाइट इन्टरनेट सेवा सञ्चालनमा ल्याइएको छ ।

डिश मिडिया नेटवर्क लिमिटेड (डिशहोम) ले युटेलस्याट वनवेबसंगको सहकार्यमा नेपाल दुरसञ्चार प्राधिकरणको स्विकृति तथा समन्वयमा बाढी प्रभावित क्षेत्रमा वैकल्पिक इन्टरनेट सेवा उपलब्ध गराएको हो । उक्त सेवा भदौ २० गतेदेखि प्राथमिकताका आधारमा सञ्चालनमा ल्याइएको डिशहोमले जनाएको छ ।