ग्लोबल मोबिलिटीलाई अपराध जस्तो ठान्ने सरकारी नीति बदलौँ -अध्यक्ष खेम लकाई

काठमाडौं । गेट कलेजका संस्थापक एवं अध्यक्ष खेम लकाईले नेपाललाई अन्तर्राष्ट्रिय स्तरको शैक्षिक केन्द्र बनाउन पर्याप्त सम्भावना भए पनि राज्यको नीति र सोच बाधक रहेको बताएका छन् ।

केन्द्रबिन्दु अनलाइन मिडिया प्रालिको आयोजनामा मंगलबार ललितपुरमा सम्पन्न ‘चौथो केन्द्रबिन्दु एजुकेसन एक्सिलेन्स अवार्ड २०८३’ अन्तर्गत ‘के नेपाललाई एजुकेशन हब बनाउन सकिन्छ ?’ विषयक प्यानल डिस्कसनमा बोल्दै लकाईले नेपाल अहिले विश्वकै नजरमा परेको र हालै बहुर्राष्ट्रिय होटल चेन ‘म्यारियट’ का अध्यक्षको नेपाल भ्रमण तथा विभिन्न अन्तर्राष्ट्रिय होटल चेनहरूको नेपाल आगमनले पनि यस कुरालाई पुष्टि गरेको उल्लेख गरे ।