गगने खोलाको पहिरो हटाएपछि कर्णाली राजमार्ग खुल्यो

२३ भदौ, सुर्खेत । पहिरोका कारण तीन दिनदेखि पूर्णरूपमा अवरुद्ध कर्णाली राजमार्ग सञ्चालनमा आएको छ । सुर्खेत–जुम्ला सडकखण्डअन्तर्गत कालिकोटको गगने खोलामा गएको पहिरो हटाएपछि मंगलबार दिउँसोदेखि राजमार्ग सञ्चालनमा आएको हो ।

भदौ २० गते गगने खोलामा पहिरो खसेपछि कर्णाली राजमार्ग पूर्णरूपमा अवरुद्ध भएको थियो । पहिरो हटाएर आज भदौ २३ गते दिउँसो २:४५ बजेदेखि साना तथा मझौला सवारीसाधन दोहोरो रूपमा आवतजावत गर्न सक्ने गरी सडक सञ्चालनमा ल्याइएको सम्बन्धित निकायले जनाएको छ ।