बाढी प्रभावित क्षेत्रमा डिशहोम र युटेलस्याटद्वारा नि:शुल्क स्याटेलाइट इन्टरनेट सेवा सञ्चालन

काठमाडौं । भोटेकोसी नदीमा आएको भीषण बाढीका कारण दूरसञ्चार पूर्वाधारमा गम्भीर क्षति पुगेको रसुवा जिल्लामा डिश मिडिया नेटवर्क (डिशहोम) ले नि:शुल्क स्याटेलाइट इन्टरनेट सेवा सुचारु गरेको छ।

नेपाल दूरसञ्चार प्राधिकरणको आधिकारिक स्वीकृति पश्चात् डिशहोमले भू-उपग्रह सेवाप्रदायक युटेलस्याटसँगको सहकार्यमा लो-अर्थ अर्बिट प्रविधिको ‘वानवेब’ स्याटेलाइट इन्टरनेट सेवा सञ्चालनमा ल्याएको हो।