पठाओ चढेर ग्यास खाेज्न हिँड्छन् काठमाडौंबासी ! कति भइरहेछ आपूर्ति ?

काठमाडौं । संघीय राजधानी काठमाडौंमा अहिले खाना पकाउने एलपी ग्यासको चरम अभाव देखिएको छ । पृथ्वी राजमार्गको कृष्णभीरमा सडक भासिएर ग्यास बोक्ने बुलेटहरू आउन नसकेपछि वैकल्पिक मार्ग हुँदै मकवानपुर, चितवन र नवलपरासी लगायतका जिल्लाबाट ग्यास भरेर काठमाडौं ल्याइरहँदा पनि उपभोक्ताले ग्यास नपाएको गुनासो गरेका छन् ।

मध्यपूर्व क्षेत्रको युद्धका कारण पेट्रोलियम पदार्थ तथा एलपी ग्यासको आपूर्तिमा विश्वव्यापी असर परेसँगै सुरू भएको ग्यास अभाव सडक अवरुद्धपछि पुन: बल्झिएको हो । अहिले उद्योग मन्त्री गौरी यादवदेखि नेपाल आयल निगमका कार्यकारी निर्देशक नागेन्द्र साहले समेत पृथ्वी राजमार्गको बाटो भासिएका कारण आपूर्तिमा समस्या भएको बताउँदै आएका छन् ।