ललितपुरबाट ठूलो परिमाणमा लागूऔषध ट्रामाडोलसहित तीन जना पक्राउ

काठमाडौं । प्रहरीले ललितपुरबाट ठूलो परिमाणमा लागूऔषध ट्रामाडोलसहित तीन जनालाई पक्राउ गरेको छ ।

सशस्त्र प्रहरीको सूचनाका आधारमा ललितपुर प्रहरीले ललितपुरको भोलढोकामा स्कुटरको अगाडि प्लास्टिकको झोलामा राखेर ल्याइँदै गर्दा १७ हजार पिस ट्रामाडोलसहित २ जना पक्राउ गरेको हो । पक्राउ परेकाहरूको बयानका आधारमा ललितपुर–७, दुपार्टस्थित एक कोठामा खानतलासी गर्दा थप ८८ हजार १३० पिस ट्रामाडोल र कारोबारमा संलग्न १ जना महिला पक्राउ गरिएको ललितपुर प्रहरी परिसरका एसपी गौतम मिश्रले जानकारी दिए ।