चीनद्वारा पश्चिमी मरुभूमि क्षेत्रमा उडान परीक्षण केन्द्रको विस्तार, अर्को पुस्ताका सैन्य विमान विकासमा तीव्रता

एजेन्सी । साउथ चाइना मर्निङ पोस्टको रिपोर्ट अनुसार, उन्नत हवाई शक्तिमा आफ्नो प्रभुत्व जमाउन बेइजिङ र वाशिङटनबीच प्रतिस्पर्धा भइरहेका बेला चीनले अर्को पुस्ताको सैन्य विमानको विकासलाई तीव्रता दिन आफ्नो पश्चिमी मरुभूमि क्षेत्रमा रहेको उडान परीक्षण केन्द्र विस्तार गरिरहेको छ ।

पोस्टका अनुसार, सिन्ज्याङको लोप नुर केन्द्रको भू–उपग्रहबाट लिइएका तस्बिरहरूले चारवटा ठूला ह्यांगरहरू, नयाँ ट्याक्सीवे, इन्जिन परीक्षण वा विमान घुमाउन प्रयोग हुने गोलाकार प्याड र सम्भावित इन्धन भण्डारण पूर्वाधारको निर्माण भइरहेको देखाउँछन् ।