प्रा.डा. जयराज अवस्थी ‘शिक्षा क्षेत्रका प्रोज्जवल नक्षत्र, २०८३’बाट सम्मानित

काठमाडौं । सुदूरपश्चिम विश्वविद्यालयका पूर्व उपकुलपति एवं वरिष्ठ शिक्षाविद् प्रा.डा. जयराज अवस्थी ‘शिक्षा क्षेत्रका प्रोज्जवल नक्षत्र, २०८३’ बाट सम्मानित भएका छन् ।

केन्द्रबिन्दु अनलाइन मिडिया प्रालिद्वारा मंगलबार ललितपुरस्थित द प्लाजामा आयोजित ‘चौथो संस्करणको केन्द्रबिन्दु एजुकेसन एक्सिलेन्स अवार्ड २०८३’ को विशेष समारोहका बीच नेपाली शिक्षा क्षेत्रमा पुर्‍याएको अतुलनीय र ऐतिहासिक योगदानको कदरस्वरूप प्रा.डा. अवस्थीलाई सो प्रतिष्ठित सम्मान प्रदान गरिएको हो ।