स्थानीय तहमा नवप्रवर्तनका लागि 'शून्य बजेट' राख्नु सरकारको केन्द्रीकृत मानसिकता: सांसद ओली

काठमाडौँ । राष्ट्रिय प्रजातन्त्र पार्टी (राप्रपा) की सांसद खुस्बु ओलीले विज्ञान, प्रविधि र नवप्रवर्तनको क्षेत्रमा सरकारले केन्द्रीकृत मानसिकता राखेको आरोप लगाएकी छिन् । सरकारले यस क्षेत्रमा स्थानीय तहका लागि ‘शून्य बजेट’ विनियोजन गरेर सङ्घीयताको मर्मविपरीत काम गरेको उनले बताइन् ।

स्थानीय समस्याहरूको समाधान स्थानीय स्तरकै अनुसन्धान र नवप्रवर्तनबाट मात्र सम्भव हुने भए पनि सरकारले त्यसतर्फ ध्यान नदिएको उनले उल्लेख गरिन् ।