चिलिमे सुरुङको अवरोध हटाउने काम तीव्र, पावरहाउसतर्फ बढ्यो उद्धार टोली

काठमाडौं । चिलिमे जलविद्युत् आयोजनाको सुरुङमा उद्धार कार्य जारी रहँदा उद्धार टोली पावरहाउस क्षेत्रतर्फ अघि बढिरहेको छ । प्रतिनिधिसभा सांसद तथा सुरुङ विज्ञ ई. श्रीराम न्यौपानेका अनुसार हालसम्म सुरुङभित्र करिब ९० मिटर दूरी पार गरिएको छ ।

न्यौपानेले सामाजिक सञ्जालमार्फत दिएको जानकारीअनुसार उद्धार टोली करिब २०० मिटर अगाडि रहेको पावरहाउस क्षेत्रमा पुग्ने प्रयासमा छ । करिब ६० मिटर लामो, २५ मिटर उचाइ र २० मिटर चौडाइको उक्त पावरहाउसको माथिल्लो भागमा चामल, पानी, चिनी, चिया, ब्याट्रीलगायत आवश्यक सामग्री रहेको जानकारी प्राप्त भएको उनले बताएका छन् ।