कोरोला नाकाबाट भन्सार छली शंकामा भित्र्याइएका ७७५ ईभी गाडी नियन्त्रणमै [तस्बिरहरू]

पोखरा । मुस्ताङको कोरोला नाकाबाट भन्सार छलि गरेर नेपाल भित्र्याइएको शंकामा सशस्त्र प्रहरी बल नेपालले नियन्त्रणमा लिएका ७७५ वटा विद्युतीय सवारीसाधन (ईभी) अझै विभिन्न स्थानमा राखिएका छन् ।

तीमध्ये ९६ वटा गाडी कास्कीको पोखरा महानगरपालिका–२५, सुइखेतमा सशस्त्र प्रहरीको निगरानीमा रहेका छन् । सशस्त्र प्रहरी बलको विशेष टोलीले मुस्ताङको जोमसोम, पर्वतको कुस्मा र कास्कीको हेम्जालगायत विभिन्न स्थानबाट ती गाडीहरू नियन्त्रणमा लिएको थियो ।