साउदी अरबका चार सहरमा हुथीको आक्रमण, ७३ भन्दा बढी घाइते

रियाद- इरान समर्थित यमनको हुथी समूहले साउदी अरबका चार सहरहरूमा ड्रोन र मिसाइल प्रयोग गरी आक्रमण गरेको छ। यस आक्रमणमा परी महिला र बालबालिकासहित ७३ जना भन्दा बढी घाइते भएका छन् भने केही स्थानका तेल संयन्त्रहरूमा भीषण आगलागी भएको छ।

यमन सीमा नजिकै रहेका खामिस मुशैतस्थित साउदी सैन्य हवाई अड्डाका साथै आभा, नजरान र रेड सी बन्दरगाह सहर जजानमा रहेका साउदी राष्ट्रिय तेल कम्पनीका संरचनाहरूलाई निशाना बनाइएको हुथी समूहले जनाएको छ। मध्यपूर्वमा जारी छ महिना लामो युद्धका क्रममा साउदी अरबमाथि भएको यो अहिलेसम्मकै ठूलो र विनाशकारी आक्रमणहरू मध्ये एक मानिएको छ।