भारतमा घटे पनि नेपालमा घटेन चिनीको मुल्य, उपभोक्ता मर्कामा

काठमाडौं : भारतमा चिनीको मुल्य घट्न थालेपनि नेपालमा मुल्य घट्न नसक्दा उपभोक्ता मर्कामा परेका छन्।

विराटनगरको सिमावर्ती जोगबनी बजारमा एक सय रुपैयाँ प्रति किलो रहेको चिनीको मुल्य प्रति किलो १० रुपैया घटेर ९० रुपैया पुगेको बेला विराटनगरमा भने चिनीको मुल्य एक सय २० रुपैया प्रति किलो रहेको छ। भारत सरकारले शुन्य भन्सार र अन्य कर पनि छुट दिएर ५ लाख मेट्रिक टन चिनी आयात गरेपछि भारतमा चिनीको मुल्य घट्न थालेको हो। नेपाल सरकारले भने १ प्रतिशत भन्सार र १३ प्रतिशत भ्याट तथा त्यसमा पनि साल्ट ट्रेडिङ कर्पोरेशन र खाद्य कम्पनीलाई मात्र २५ हजार मेट्रिक टन आयातको अनुमति दिएकाले चिनी अभावका कारण मुल्य नघटेको आयातकर्ताहरुले बताएका छन्।