कहिले घट्छ चिनीको मूल्य ?

काठमाडौं । चिनीको मूल्य नघट्दा उपभोक्ता मर्कामा परेका छन् । विराटनगरको सीमावर्ती भारतको जोगबनीमा चिनीको मूल्य घटे पनि नेपाली बजारमा भने घट्न सकेको छैन ।

सरकारले १ प्रतिशत भन्सार र १३ प्रतिशत भ्याट तथा त्यसमा पनि साल्ट ट्रेडिङ कर्पोरेसन र खाद्य कम्पनीलाई मात्र २५ हजार मेट्रिक टन आयातको अनुमति दिएकाले चिनी अभावका कारण मूल्य नघटेको आयातकर्ताहरू बताउँछन् । दसैँअगाडि चिनी ल्याउन नसके मूल्य नघट्ने चिनी आयातकर्ता जीवन रिजालले बताए ।