शिशिरपछि सन्तोषको पालो?

काठमाडौं : फिल्म ‘होस्टेल ३’मा खलनायकको भूमिकामा देखिएका सन्तोष बानियाँ यतिबेला चर्चामा छन्। यही भदौ २६ गतेबाट प्रदर्शनमा आउन लागेको फिल्म ‘बेहुली’मा पनि उनी खलनायककै भूमिकामा देखिँदै छन्। फिल्ममा प्रयोग गरिएको उनको लुक्स र संवादले चर्चा पाइरहेको छ।

फिल्ममा ग्याङ लिडर बनेका सन्तोषको ‘बारुदको बम र गेडीको दम चिनेकै छैनन् तिनीहरूले’ भन्ने संवाद निकै दमदार देखिन्छ। फिल्मको व्यावसायिक सफलता कस्तो हुन्छ भन्ने विषय ठाउँमा छ, तर उनले निर्वाह गरेको पात्रले दर्शकमाझ राम्रो छाप छाड्न सक्ने सम्भावना देखिन्छ।