‘यो सरकारले कार्यकाल पूरा गर्दा जनता निराश भइसक्छन्, कार्यशैली सुधारोस्’

काठमाडौं- जेन-जी आन्दोलनका अगुवा उपार्जुङ चाम्लिङले वर्तमान सरकारले सबै पक्षलाई विश्वासमा लिएर समन्वयकारी ढङ्गले काम गर्न नसकेको बताएका छन्। उनले सरकारको कार्यशैलीमा अझै सुधार आवश्यक रहेको भन्दै जनताको आक्रोश व्यवस्थापन गर्न नसके फेरि विद्रोहको अवस्था आउन सक्ने चेतावनी दिएका छन्।

जेन-जी आन्दोलन भएको एक वर्ष पुगेका अवसरमा खबरहबसँग कुरा गर्दै चाम्लिङले अहिले नै सरकारप्रति पूर्ण निराश भइहाल्ने अवस्था नभए पनि यही कार्यशैली कायम रहे सरकारको कार्यकाल पूरा हुँदासम्म जनता थप निराश हुने बताए।