एभरेष्ट भ्यू ट्रेल रेसलाई अन्तर्राष्ट्रिय मान्यता, आईटीआरएबाट ३ पोइन्ट

सोलुखुम्बु- माप्य दुधकोशी गाउँपालिकामा आयोजना हुँदै आएको ‘एभरेष्ट भ्यू ट्रेल रेस’ अन्तर्राष्ट्रिय ट्रेल रनिङको प्रणालीमा समावेश भएको छ। अन्तर्राष्ट्रिय ट्रेल रनिङ एसोसिएसन (आईटीआरए) ले प्रतियोगितालाई सूचीकृत गर्दै ३ पोइन्ट प्रदान गरेको हो।

माप्य दुधकोशी गाउँपालिकाले आगामी ३ डिसेम्बर २०२६ मा ४८ किलोमिटर दूरीको तेस्रो संस्करण आयोजना गर्न लागेको छ। प्रतियोगिता अन्तर्राष्ट्रिय ट्रेल रनिङ प्रणालीमा सूचीकृत भएपछि स्वदेशी तथा विदेशी धावकलाई माप्य दुधकोशीमा आकर्षित गर्ने अवसर थप बढेको गाउँपालिकाको विश्वास छ।