ओली-लेखक पक्राउपछि कता थन्कियो अनुसन्धानको फाइल ?

शपथ लिएको केही घण्टामै पूर्वप्रधानमन्त्री केपी शर्मा ओली र तत्कालीन गृहमन्त्री रमेश लेखकलाई कर्तव्य ज्यानको आरोपमा पक्राउ गरेर सनसनी मच्चाएको बालेन शाह नेतृत्वको सरकारले पाँच महिना नबित्दै सो अनुसन्धानको फाइल पूर्ण रूपमा थन्क्याएको छ।

जेन-जी आन्दोलनको एक वर्ष पूरा हुँदा ७६ नागरिकको ज्यान गएको घटनाका दोषीलाई कठघरामा उभ्याउन बनेका उच्चस्तरीय आयोगका प्रतिवेदनहरू सार्वजनिक नगरी सरकार आफैं दण्डहीनताको पुरानै राजनीतिक शृङ्खलाको नयाँ साझेदार बन्न पुगेको हो।