कोलम्बियालाई पेनाल्टी सुटआउटमा हराउँदै स्विट्जरल्याण्ड पहिलो पटक क्वार्टरफाइनलमा, अर्जेन्टिनासँग खेल्ने

पेनाल्टी सुटआउटमा कोलम्बियालाई ४-३ ले पराजित गर्दै स्विट्जरल्याण्ड विश्वकपको क्वार्टरफाइनलमा प्रवेश गरेको छ।

बुधबार बिहान क्यानडाको भ्यानकुभरमा भएको खेल निर्धारित र अतिरिक्त समय गोलरहित बराबरीमा सकिएपछि खेल पेनाल्टी सुटआउटमा गएको थियो, जहाँ रुबेन वर्गासले निर्णायक गोल गरेका हुन्। अब स्विट्जरल्याण्डले आइतबार मिसौरीको कान्सास सिटीस्थित एरोहेड स्टेडियममा डिफेन्डिङ च्याम्पियन अर्जेन्टिनासँग खेल्नेछ। अर्जेन्टिनाले मंगलबार राति इजिप्टलाई ३-२ ले हराएको थियो।