विश्वकपमा बुधबार तीन रोचक भिडन्त : फ्रान्स–सेनेगल, इराक–नर्वे र अर्जेन्टिना–अल्जेरिया आमनेसामने

काठमाडौँ / फिफा विश्वकप २०२६ अन्तर्गत बुधबार हुने खेलमध्ये फ्रान्स र सेनेगल, इराक र नर्वे तथा अर्जेन्टिना र अल्जेरियाबीचका प्रतिस्पर्धा विशेष चासोका साथ हेरिएका छन्।

राति १२ः४५ बजे हुने फ्रान्स–सेनेगल भिडन्तलाई निकै प्रतिस्पर्धात्मक खेलका रूपमा हेरिएको छ। विश्व फुटबलको शक्तिशाली टोली फ्रान्ससँग किलियन एम्बाप्पे, ओस्मान डेम्बेले र माइकल ओलिसे जस्ता स्टार खेलाडी छन् भने सेनेगलसँग साडियो माने, इस्माइला सार र इलिमान एनदियाए जस्ता अनुभवी खेलाडी छन्। सन् २००२ को विश्वकपमा सेनेगलले फ्रान्सलाई हराएको स्मरणीय इतिहासका कारण पनि यो खेल विशेष महत्वको मानिएको छ।