सुर्खेत प्रहरीको हिरासतमा रहेका थुनुवाको मृत्युबारे छानबिन गर्न समिति गठन

काठमाडौँ । जिल्ला प्रहरी कार्यालय सुर्खेतको हिरासतमा रहेका थुनुवाको मृत्यु भएको घटनाबारे समिति गठन गरेर छानबिन थालिएको छ ।

चोरी कसुरमा पक्राउ परेका वीरेन्द्रनगर नगरपालिका वडा नम्बर–१० घर भएका सबिर बक्सको जेठ १० गते बिहान मृत्यु भएको थियो । घटना छानबिन गर्न कर्णाली प्रदेश प्रहरी कार्यालयले एसएसपी सन्तोष सिंह राठौरको नेतृत्वमा समिति गठन गरेको छ । जिल्ला प्रशासन कार्यालयका सहायक प्रजिअ डिल बहादुर कार्की नेतृत्वको समितिले पनि त्यसबारे छानबिन गरिरहेको छ ।