अमेरिकाको टेक्सासमा आप्रवासन अधिकारीको गोलीबाट एक जनाको मृत्यु

वाशिङटन डीसी । अमेरिकाको टेक्सास राज्यको ह्युस्टनमा आप्रवासन नियन्त्रण कारबाहीका क्रममा अमेरिकी आप्रवासन तथा भन्सार प्रवर्तन निकाय (आईसीई)का एक अधिकारीको गोली लागेर एक जनाको मृत्यु भएको छ ।

मंगलबार भएको घटनामा मृत्यु हुने व्यक्तिको पहिचान लोरेन्जो साल्गाडो अराउजोका रूपमा गरिएको छ । आईसीईका अनुसार उनी मेक्सिकोका नागरिक थिए र कानुनी अनुमति बिना अमेरिकामा बसोबास गरिरहेका थिए । लक्षित आप्रवासन कारबाहीका क्रममा पक्राउबाट बच्न खोज्दा यो घटना भएको दाबी गरिएको छ ।