विद्युत नियमन आयोग अध्यक्षमा अधिकारी, डा. धिताल, भेटुवालमध्ये एक

काठमाडौं । विद्युत नियमन आयोगमा रिक्त पदका लागि आगामी मन्त्रिपरिषद्को बैठकमा प्रस्ताव लैजाने तयारी तीव्र पारिएको छ । आयोग अध्यक्ष नियुक्तिका लागि आन्तरिक रूपमा कानुनी परामर्श र प्रस्ताव लेखनको कार्य अन्तिम चरणमा पुगेको छ ।

अध्यक्षका लागि कार्ययोजना मूल्यांकनका आधारमा छानिएका ६ जनामध्ये ३ जनाको नाम अन्तिम भएको छ, जसमा केशवध्वज अधिकारी, डा.रामप्रसाद धिताल, मधुप्रसाद भेटुवाल रहेको मन्त्रालय स्रोत बताउँछ । अधिकारी र भेटुवाल पूर्व सचिव हुन् भने धिताल यसअघि आयोगका अध्यक्ष थिए ।