कर्तव्य ज्यान मुद्दाका फरार प्रतिवादी पक्राउ

विराटनगर । कर्तव्य ज्यान मुद्दामा २५ वर्ष कैद सजाय पाएर कारागारबाटै फरार भएका एक प्रतिवादीलाई मोरङ प्रहरीले पक्राउ गरेको छ। पक्राउ पर्नेमा सोलुखुम्बुको नेचा सल्यान गाउँपालिका वडा नं। २ घर भएका ध्रुव बहादुर भुजेल रहेका छन्।

जिल्ला प्रहरी कार्यालय मोरङका अनुसार, भुजेललाई सोलुखुम्बु जिल्ला अदालतले कर्तव्य ज्यान मुद्दामा २५ वर्ष कैद र १ लाख रुपैयाँ जरिवानाको फैसला सुनाएको थियो। उक्त सजाय भुक्तानका लागि केन्द्रीय कारागार जगन्नाथदेवल, काठमाडौँमा रहेका उनी ‘जेन्जी आन्दोलनको क्रममा फरार भएका थिए।