रेखा पौडेल कम्बोडियाको क्लबमा आबद्ध

काठमाडौँ । नेपाली महिला फुटबल टोलीकी खेलाडी रेखा पौडेल कम्बोडियाको व्यावसायिक फुटबल क्लब प्नोम पेन्ह क्राउन एफसीको महिला टोलीमा आबद्ध भएकी छन्। उनले सामाजिक सञ्जाल फेसबुकमार्फत आफू प्नोम पेन्ह क्राउन एफसीमा आधिकारिक रूपमा आबद्ध भएको जानकारी गराएकी हुन्।

यस अवसरका लागि आभार प्रकट गर्दै उनले आगामी दिनका चुनौतीहरूका लागि आफू उत्साहित रहेको र मेहनतको यात्रा निरन्तर जारी रहने बताएकी छन्।