ट्रम्पको निवास ह्वाइट हाउस बाहिर गोली चल्यो, एक जनाको मृत्यु

काठमाडौँ । अमेरिकी राष्ट्रपतिको सरकारी निवास ‘ह्वाइट हाउस’ बाहिर गोली चलेको छ । शनिबार साँझ सुरक्षा चेकपोइन्टमा आक्रमण गर्न खोज्ने एक बन्दुकधारी सुरक्षाकर्मीको जवाफी कारबाहीमा मारिएको छ भने एक सर्वसाधारण गम्भीर घाइते भएका छन्।

एक व्यक्ति ह्वाइट हाउस परिसर बाहिरको सुरक्षा चेकपोइन्टमा पुगेर अचानक सुरक्षाकर्मीहरूमाथि अन्धाधुन्ध गोली चलाउन थालेको अमेरिकी गुप्तचर निकाय ‘सीक्रेट सर्भिस’ले जनाएको छ ।