तीन वर्षदेखि बजेट छुट्ट्याइए पनि सुदूरपश्चिममा दुध कारखाना निर्माण योजना अलपत्र

धनगढी । सुदूरपश्चिम प्रदेश सरकारले हरेक वर्ष बजेट भाषणमा कैलालीमा धुलो दुध कारखाना स्थापना गर्ने भन्दै बजेट विनियोजन गर्दै आएको छ । विगत तीन वर्षदेखि लगातार बजेट विनियोजन हुँदै आए पनि कारखाना स्थापनाको काम भने भएको छैन ।

प्रदेश सरकारले आगामी आर्थिक वर्ष (२०८३/०८४) का लागि पनि सोही योजनालाई निरन्तरता दिँदै बजेट विनियोजन गरेको छ । यस अघिका वर्ष छुट्ट्याइएको बजेटले कुनै काम हुन सकेन । यसका बाबजुद प्रदेश सरकारले आगामी वर्षका लागि पनि सो योजनामा बजेट विनियोजन गरेको छ ।