अस्ट्रेलियाको प्रसिद्ध मेलबर्न विश्वविद्यालयले भारतमा अत्याधुनिक प्रविधि केन्द्र स्थापना गर्ने

अस्ट्रेलियाको प्रसिद्ध मेलबर्न विश्वविद्यालयले दक्षिणी भारतमा एउटा अत्याधुनिक प्रविधि केन्द्र स्थापना गर्ने भएको छ । क्वान्टम कम्प्युटिङ, कृषि प्रविधि (एग्री–टेक), अनुसन्धान र जनशक्ति विकासमा सहकार्य गर्ने उद्देश्यले विश्वविद्यालयले तमिलनाडु औद्योगिक विकास निगमसँग समझदारी पत्रमा हस्ताक्षर गरेको हो ।

दुई संस्थाबीचको सम्झौताअनुसार तमिलनाडुको तिरुभल्लुरस्थित 'तमिलनाडु नलेज सिटी'मा 'सेन्टर फर इमर्जिङ टेक्नोलोजिज' (उदीयमान प्रविधि केन्द्र) स्थापना गरिनेछ । उक्त केन्द्र नलेज सिटीको 'नलेज टावर' भित्र २०,००0 वर्ग फिट क्षेत्रफलमा फैलिएको समर्पित अनुसन्धान तथा शिक्षण केन्द्रका रूपमा रहनेछ ।