गाली गर्ने युवकलाई कारबाही हुन्छ भने ‘खुट्टा भाँचिदिन्छु’ भन्ने मन्त्रीलाई किन हुँदैन ? : हर्क साम्पाङ

काठमाडौँ- नेपाल श्रम संस्कृति पार्टीका सांसद हर्क साम्पाङले सरकारले अभिव्यक्ति स्वतन्त्रतामाथि दोहोरो मापदण्ड अपनाएको आरोप लगाएका छन्।

प्रतिनिधिसभाको बुधबारको बैठकमा उनले प्रधानमन्त्रीलाई गाली गरेको आरोपमा एक युवालाई पक्राउ गरिएको तर ‘निर्माण व्यवसायीको खुट्टा भाँचिदिन्छु’ भन्ने मन्त्री र ‘प्रहरीलाई सडकमा घिसार्छु’ भन्ने सांसदमाथि कारबाही नभएको भन्दै प्रश्न उठाए।