कृति सेननले किन गराइन ‘एग्स फ्रिज’ ?

बलिउड अभिनेत्री कृति सेननले आफ्नो फिल्म ‘मिमी’ को तयारीका क्रममा ‘एग्स फ्रिज’ गराएको खुलासा गरेकी छन्। एक अन्तर्वार्तामा उनले उक्त फिल्मका लागि तौल बढाउनुपर्ने भएकाले त्यही समयलाई एग्स फ्रिज गराउने उपयुक्त अवसरका रूपमा प्रयोग गरेको खुलाएकी छन्।

३५ वर्षीया कृतिका अनुसार एग्स फ्रिज गराउने निर्णयले भविष्यमा बायोलोजिकल क्लक वा सामाजिक दबाबका कारण विवाह वा सन्तान जन्माउने निर्णय गर्नुपर्ने अवस्थाबाट आफूलाई मुक्त राख्न मद्दत गर्छ। उनले विवाह वा अभिभावक बन्ने निर्णय व्यक्तिले मानसिक रूपमा पूर्ण रूपमा तयार भएपछि मात्र गर्नुपर्ने धारणा व्यक्त गरिन्।