मुक्तिनाथ विकास बैंकको सहयोगमा ५ हजार विद्यार्थीलाई दिवा भोजन

काठमाडौं- मुक्तिनाथ विकास बैंकले आफ्नो संस्थागत सामाजिक उत्तरदायित्वअन्तर्गत मिड–डे मिल (दिवा भोजन) कार्यक्रमलाई आर्थिक सहयोग प्रदान गरेको छ ।

फुड फर लाइफ नेपालद्वारा धनगढीमा सञ्चालन गर्न लागिएकाे यस कार्यक्रमअन्तर्गत आयोजक सामाजिक संंस्थाले केन्द्रीकृत भान्सा प्रणालीमार्फत धनगढीस्थित सरकारी विद्यालयहरूमा अध्ययनरत पाँच हजार विद्यार्थीलाई स्वच्छ, पौष्टिक तथा सन्तुलित दिवा भोजन उपलब्ध गराउनेछ ।