बृहत्तर जनकपुर क्षेत्रका गुठी जग्गा संरक्षणका लागि नौ सदस्यीय समिति गठन

काठमाडौँ - भूमि व्यवस्था, सहकारी, संघीय मामिला तथा सामान्य प्रशासन मन्त्रालयले धनुषास्थित बृहत्तर जनकपुर क्षेत्रका गुठी जग्गाको संरक्षण तथा अतिक्रमण नियन्त्रणका लागि नौ सदस्यीय कार्यान्वयन समिति गठन गरेको छ।

जनकपुर उपमहानगरपालिका क्षेत्रभित्र रहेका पोखरी, पोखरीका डिल, रामजानकी मन्दिरसहित प्रमुख मठ–मन्दिर तथा अन्य गुठी सम्पत्तिको संरक्षण, व्यवस्थापन र व्यवस्थित उपयोग सुनिश्चित गर्ने उद्देश्यले समिति गठन गरिएको मन्त्रालयले जनाएको छ।