एक्समा आयो भिडियो एडिटर फिचर

काठमाडौं । सामाजिक सञ्जाल प्लेटफर्म एक्स (पूर्व ट्विटर) ले आफ्ना आईओएस (iOS) प्रयोगकर्ताका लागि नयाँ भिडियो एडिटर फिचर सार्वजनिक गरेको छ । कम्पनीले प्रयोगकर्तालाई मौलिक (Original) भिडियो सामाग्री सिर्जना गरी पोस्ट गर्न प्रोत्साहित गर्ने उद्देश्यले यो सुविधा ल्याएको हो ।

एक्सका प्रोडक्ट हेड निकिता बियरले नयाँ भिडियो एडिटर तथा रेकर्डर टुलमा विभिन्न उपयोगी फिचर समावेश गरिएको बताएका छन् । यसमार्फत प्रयोगकर्ताले विभिन्न भाषामा आफ्नो रोजाइअनुसार भिडियो क्याप्सन थप्न सक्नेछन् । साथै, भिडियोको पृष्ठभूमि परिवर्तन गर्न ग्रीन स्क्रिन फिचर पनि उपलब्ध गराइएको छ ।