बिरामीमाथि कमिसनको चलखेल गर्ने १० जना पक्राउ

बिरामी र उनका आफन्तलाई निजी मेडिकलबाट औषधि खरिद गर्न प्रलोभन देखाई कमिसनको चलखेल गरेको आरोपमा प्रहरीले बीपी कोइराला स्वास्थ्य विज्ञान प्रतिष्ठान, धरान परिसरबाट १० जनालाई नियन्त्रणमा लिएको छ।

मंगलबार राति प्रतिष्ठानको इमर्जेन्सी भवन अगाडि शंकास्पद गतिविधि भइरहेको सूचनाका आधारमा इलाका प्रहरी कार्यालय धरान र अस्थायी प्रहरी पोस्ट घोपाबाट खटिएको संयुक्त टोलीले उनीहरूलाई पक्राउ गरेको हो।