ट्रम्पले भने– इरानसँगको सम्झौता सकियो, उनीहरूसँग कुरा गर्नु समयको बर्बादी मात्र हो

काठमाडौं । अमेरिकी राष्ट्रपति डोनाल्ड ट्रम्पले इरानसँग भएको युद्धविराम सम्झौता अब सकिएको घोषणा गरेका छन् । टर्कीको राजधानी अंकारामा जारी नेटो शिखर सम्मेलनका क्रममा पत्रकारहरूसँग कुरा गर्दै ट्रम्पले तेहरानसँग कूटनीतिक संवाद गर्नु समयको बर्बादी मात्र भएको टिप्पणी गरे ।

होर्मुज जलमार्गमा कतार र साउदी अरेबियाका तेल ट्यांकरसहित तीनवटा व्यावसायिक जहाजमाथि इरानले आक्रमण गरेको थियो । त्यसपछि अमेरिकाले रातभर इरानका विभिन्न सैन्य अड्डामा भीषण हवाई आक्रमण गरेको पृष्ठभूमिमा राष्ट्रपतिको यस्तो कडा प्रतिक्रिया आएको हो ।