सक्रिय प्रहरी, सुस्त प्रशासन

पोखरा। २२ वैशाखमा तनहुँको शुक्लागण्डकी नगरपालिका-२, गाछेनीस्थित भित्री सडकमा चेकजाँचमा खटिएको प्रहरी टोलीले अवैध रूपमा उत्खनन गरिएको ढुंगा बोकेको टिपर नियन्त्रणमा लियो।

सोही साँझ करिब ६ बजे स्याङ्जा प्रहरीले पुतलीबजार नगरपालिका-१३ स्थित आँधीखोलाबाट मापदण्डविपरीत चोकर उत्खनन गरिरहेको ट्र्याक्टर नियन्त्रणमा लियो। पाँच दिनपछि २७ वैशाखमा चापाकोट नगरपालिका-९ निर्दिमघाटस्थित कालीगण्डकी किनारबाट मापदण्डविपरीत बालुवा बोकेको अर्को ट्र्याक्टर नियन्त्रणमा पर्‍यो।