इँटा, सिमेन्ट र डन्डीको भाउ उकालो, निर्माण खर्च बढ्यो

काठमाडौँ- आर्थिक वर्ष २०८२/८३ तेस्रो त्रैमास (माघ, फागुन, चैत) मा प्रमुख निर्माण सामग्रीको मूल्य उल्लेख्य रूपमा बढेको छ। इँटा, सिमेन्ट र स्टिलजन्य सामग्रीको मूल्यवृद्धिले समग्र निर्माणलागतमा वृद्धि गराएको राष्ट्रिय तथ्यांक कार्यालयले सार्वजनिक गरेको निर्माण क्षेत्रको इनपुट मूल्य सूचकांक प्रतिवेदनले देखाएको छ।

प्रतिवेदनअनुसार आन्तरिक आपूर्ति अभाव र अन्तर्राष्ट्रिय बजारमा बढ्दो मूल्यको दबाबका कारण प्रमुख निर्माण सामग्रीको मूल्यमा उल्लेखनीय उतारचढाव देखिएको छ।