अनुदानको मल नेपाल ल्याउने क्रममा दुई नेपालीलाई एसएसबीको नियन्त्रणमा

नेपालमा रासायनिक मलको अभाव चुलिएपछि भारतबाट मल खरिद गरेर ल्याउने क्रममा दुई नेपाली किसान भारतीय सशस्त्र सीमा बल (एसएसबी) को नियन्त्रणमा परेका छन्।

भारतको बिहार राज्यअन्तर्गत सोनबरसा प्रखण्ड मा कृषि विभाग र एसएसबीले संयुक्त रूपमा सञ्चालन गरेको कारबाहीका क्रममा सर्लाहीको धनकौल गाउँपालिका–३ निवासी नागेन्द्र प्रसाद सिंह र सुरेश प्रसाद सिंह पक्राउ परेका हुन्। उनीहरूको साथबाट दुई बोरा युरिया र छ बोरा डीएपी मल बरामद भएको भारतीय पक्षले जनाएको छ।