नेपाल भलिबल लिग: सेबास्टियन चम्कँदा मधेसको पहिलो जित

भारतीय अलराउन्डर जिबिन सेबास्टियन चम्किएपछि मधेस वारियर्सले नेपाल भलिबल लिग (एनभिएल) को पहिलो सिजनमा चौथो खेलमा पुगेर पहिलो जित रचेको छ।

मधेस वारियर्स यसअघिका तीन खेलसम्म पराजित टोली हो। चौथो खेलमा भने मधेसले पुछारको टोली खप्तड फाल्कोन्समाथि ३–० को सोझो सेटमा जित रच्यो। पहिलो सिजनमा कुल ६ फ्रेन्चाइज टोली प्रतिस्पर्धा गर्दै छन्। जहाँ मधेस र खप्तड दुवै यो खेलअघि जितविहीन टोली हुन्। त्यसैले दुवै टोली मंगलबार पहिलो जित रच्ने लक्ष्यसहित कोटमा उत्रिए तर त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा मधेसले भारतीय अलराउन्डर सेबास्टियनको बलियो साथ पायो।